سیدنا عبداللہ بن عباس رضی اللہ عنہما اللہ تعالیٰ کے ارشاد: وَ الْعٰدِیٰتِ ضَبْحًا ” قسم ان کی جو دوڑتے ہیں سینے سے آواز نکلتی ہوئی “ کے متعلق فرماتے ہیں: (اس سے مراد) گھوڑے ہیں۔ فَالْمُوْرِٰیتِ قَدْحًا ” پھر پتھروں سے آگ نکالتے ہیں سم مار کر “ فرماتے ہیں: آدمی جب چقماق سے آگ نکالے۔ فَالْمُغِیْرٰتِ صُبْحًا ” گھوڑے جو صبح کے وقت حملہ کرتے ہیں “۔ فَاَثَرْنَ بِہٖ نَقْعًا ” پھر اس وقت غبار اڑاتے ہیں (آپ فرماتے ہیں نقعا سے مراد) مٹی ہے۔ فَوَسَطْنَ بِہٖ جَمْعًا ” پھر دشمن کے بیچ لشکر میں جاتے ہیں “ اِنَّ الْاِنْسَانَ لِرَبِّہٖ لَکَنُوْدٌ ” بیشک آدمی اپنے رب کا بڑا ناشکرا ہے۔“ (لکنود کا مطلب) لکفور ہے۔ [المستدرك على الصحيحين/كتاب التفسير/حدیث: 4011]