سیدنا ابوہریرہ رضی اللہ عنہ سے روایت ہے، انہوں نے کہا: نبی کریم صلی اللہ علیہ وسلم میری عیادت کے لیے تشریف لائے اور فرمایا: ”کیا میں تمہیں وہ دم نہ کروں جو جبرائیل علیہ السلام نے مجھے کیا تھا؟“ میں نے عرض کیا: ”کیوں نہیں! میرے ماں باپ آپ پر فدا ہوں۔“ آپ صلی اللہ علیہ وسلم نے فرمایا: «بِاسْمِ اللَّهِ أَرْقِيكَ، وَاللَّهُ يَشْفِيكَ مِنْ كُلِّ دَاءٍ فِيكَ، مِنْ شَرِّ النَّفَّاثَاتِ فِي الْعُقَدِ، وَمِنْ شَرِّ حَاسِدٍ إِذَا حَسَدَ» ”میں اللہ کے نام کے ساتھ تجھے دم کرتا ہوں، اور اللہ تجھے ہر اس بیماری سے شفا دے گا جو تجھ میں ہے، گرہوں میں پھونکنے والیوں کے شر سے، اور حاسد کے شر سے جب وہ حسد کرے۔“ پس آپ صلی اللہ علیہ وسلم نے یہ دم تین مرتبہ کیا۔ [المستدرك على الصحيحين/كتاب التفسير/حدیث: 4034]