سیدنا ابن اسحاق رحمۃ اللہ علیہ کہتے ہیں: ابوطالب نے نجاشی کے لئے کچھ اشعار لکھے تھے جو اس کو ان کے ساتھ حسن اخلاق سے پیش آنے اور ان کا دفاع کرنے کی ترغیب پر مشتمل تھے۔ وہ اشعار یہ تھے: لوگوں میں سے بہترین آدمیوں کو جان لینا چاہئے کہ محمد صلی اللہ علیہ وسلم موسیٰ علیہ السلام اور ابن مریم علیہ السلام کے وزیر ہیں۔ یہ ہمارے پاس وہی ہدایات لے کر آئے ہیں جیسی وہ لوگ لائے تھے تو سب کچھ اللہ تعالیٰ کے حکم سے ہدایت دی جاتی ہے اور حفاظت کی جاتی ہے۔ بے شک تم بھی اس کو اپنی کتاب میں پڑھ چکے ہو، یہ سچی بات ہے کسی لالچی کی گفتگو نہیں ہے۔ بے شک ان میں سے یہ جماعت تیری مہربانی کے لئے آئی ہے، ان کو عزت و تکریم کے ساتھ واپس بھیجنا۔ [المستدرك على الصحيحين/كتاب : آيات رسول الله صلى الله عليه وسلم التى فى دلائل النبوة/حدیث: 4293]