سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم بنو عمرو بن عوف کی مسجد یعنی مسجد قباء میں داخل ہوئے تاکہ وہاں نماز پڑھیں، تب انصار کے کچھ لوگ آپ صلی اللہ علیہ وسلم کے پاس آئے اور آپ کو سلام کرنے لگے، ابن عمر کہتے ہیں کہ ان کے ساتھ سیدنا صہیب رضی اللہ عنہ بھی تھے، میں نے ان سے پوچھا کہ جب رسول اللہ صلی اللہ علیہ وسلم نماز کی حالت میں ہوں اور انہیں سلام کیا جائے تو آپ صلی اللہ علیہ وسلم کیا کرتے تھے؟ انہوں نے کہا: ”آپ صلی اللہ علیہ وسلم اپنے ہاتھ سے اشارہ فرماتے تھے۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كتاب الهجرة/حدیث: 4324]