قیس بن ابی حازم سے روایت ہے، انہوں نے کہا کہ میں نے سیدنا خالد بن ولید رضی اللہ عنہ کو یہ فرماتے ہوئے سنا: ”غزوہ موتہ کے دن میرے ہاتھ میں نو تلواریں ٹوٹ گئیں اور میرے ہاتھ میں صرف ایک یمنی تیغ باقی بچی تھی۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ نیز شیخین نے حمید بن ہلال کی حضرت انس بن مالک رضی اللہ عنہ سے مروی اس حدیث پر اتفاق کیا ہے جو غزوہ موتہ کے متعلق ہے کہ رسول اللہ صلی اللہ علیہ وسلم نے فرمایا: ”جھنڈا زید بن حارثہ نے تھاما اور وہ شہید ہو گئے، پھر اسے جعفر نے تھاما اور وہ بھی شہید ہو گئے، پھر اسے عبداللہ بن رواحہ نے تھاما اور وہ بھی شہید ہو گئے“، اس کے بعد رسول اللہ صلی اللہ علیہ وسلم نے خالد بن ولید رضی اللہ عنہ کو موتہ کی طرف روانہ فرمایا۔ [المستدرك على الصحيحين/كتاب المغازي والسرايا/حدیث: 4402]