قیس بن ابی حازم سے روایت ہے کہ سیدنا زبیر رضی اللہ عنہ نے سیدنا عمر بن خطاب رضی اللہ عنہ کی خدمت میں حاضر ہو کر جہاد پر جانے کی اجازت طلب کی، تو سیدنا عمر رضی اللہ عنہ نے فرمایا: ”اپنے گھر میں بیٹھے رہو، تم رسول اللہ صلی اللہ علیہ وسلم کے ساتھ غزوات کر چکے ہو۔“ انہوں نے بار بار اصرار کیا تو تیسری یا اس کے بعد والی مرتبہ سیدنا عمر رضی اللہ عنہ نے فرمایا: ”اپنے گھر میں بیٹھو، اللہ کی قسم! مجھے مدینہ کے اطراف میں تمہاری اور تمہارے ساتھیوں کی جانب سے یہ خطرہ محسوس ہوتا ہے کہ تم (فتنے کے لیے) نکلو گے اور محمد صلی اللہ علیہ وسلم کے صحابہ کے معاملات کو مجھ پر خراب کر دو گے۔“ [المستدرك على الصحيحين/كتاب معرفة الصحابة رضي الله تعالى عنهم/حدیث: 4662]