قیس بن ابی حازم سے روایت ہے کہ جب سیدہ عائشہ رضی اللہ عنہا بنی عامر کے کسی مقام پر پہنچیں تو وہاں کے کتوں نے ان پر بھونکنا شروع کر دیا، انہوں نے پوچھا: ”یہ کون سا مقام ہے؟“ لوگوں نے بتایا: یہ حوأب کا چشمہ ہے، انہوں نے فرمایا: ”میرا خیال ہے کہ اب میں واپس لوٹ جاؤں گی،“ تو سیدنا زبیر رضی اللہ عنہ نے کہا: ”نہیں، بلکہ آپ آگے بڑھیں، لوگ آپ کو دیکھیں گے تو اللہ ان کے درمیان صلح فرما دے گا،“ انہوں نے پھر فرمایا: ”مجھے لگتا ہے کہ میں واپس چلی جاؤں گی کیونکہ میں نے رسول اللہ صلی اللہ علیہ وسلم کو فرماتے سنا تھا: ”تم میں سے اس کا کیا حال ہوگا جب اس پر حوأب کے کتے بھونکیں گے۔““ [المستدرك على الصحيحين/كتاب معرفة الصحابة رضي الله تعالى عنهم/حدیث: 4663]