سیدنا ابورافع رضی اللہ عنہ سے روایت ہے کہ رسول اللہ صلی اللہ علیہ وسلم نے پیر کے روز نماز ادا فرمائی اور سیدہ خدیجہ رضی اللہ عنہا نے آپ کے ہمراہ نماز پڑھی، پھر آپ صلی اللہ علیہ وسلم نے منگل کے روز سیدنا علی رضی اللہ عنہ کے سامنے نماز (اسلام) پیش کی تو وہ اسلام لے آئے اور کہا: مجھے اجازت دیں کہ میں (نماز کے معاملے میں) ابوطالب سے مشورہ کر لوں، تو رسول اللہ صلی اللہ علیہ وسلم نے ارشاد فرمایا: ”یہ تو محض ایک امانت ہے“، سیدنا علی رضی اللہ عنہ نے (غور کرنے کے بعد) کہا: پھر میں (مشورے کے بغیر ہی) نماز پڑھوں گا، چنانچہ انہوں نے منگل کے روز رسول اللہ صلی اللہ علیہ وسلم کے ساتھ نماز ادا کی۔
یہ حدیث صحیح الاسناد ہے لیکن شیخین نے اسے روایت نہیں کیا، اور اس کی ایک مفصل شاہد (تائیدی) روایت عفیف بن عمرو کی اولاد سے مروی ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4901]