سیدہ عائشہ رضی اللہ عنہا سے روایت ہے کہ نبی کریم صلی اللہ علیہ وسلم نے سیدہ خدیجہ کی موجودگی میں ان کی وفات تک کسی دوسری خاتون سے نکاح نہیں فرمایا، سیدہ عائشہ فرماتی ہیں: میں نے خدیجہ کو کبھی نہیں دیکھا لیکن آپ صلی اللہ علیہ وسلم کی ازواج میں سے کسی پر مجھے اتنی غیرت نہیں آئی جتنی خدیجہ پر آتی تھی، اور یہ آپ صلی اللہ علیہ وسلم کے کثرت سے ان کا تذکرہ فرمانے کی وجہ سے تھا۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4915]