محمد بن عمر اپنے اساتذہ کے حوالے سے بیان کرتے ہیں کہ جب سیدنا حمزہ رضی اللہ عنہ شہید ہو گئے تو رسول اللہ صلی اللہ علیہ وسلم نے فرمایا: تیری طرح کبھی کوئی شہید نہیں ہو گا، پھر سیدہ فاطمہ رضی اللہ عنہا اور اپنی پھوپھی سیدہ صفیہ رضی اللہ عنہا سے فرمایا: تم خوش ہو جاؤ کیونکہ میرے پاس سیدنا جبریل امین علیہ السلام تشریف لائے تھے، انہوں نے مجھے بتایا ہے کہ حمزہ کو آسمانوں میں حمزہ بن عبدالمطلب اسداللہ و اسد رسولہ (اللہ اور اس کے رسول کے شیر) کے نام سے یاد کیا جاتا ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4942]