محمد بن عمر اپنے شیوخ سے روایت کرتے ہیں کہ عبداللہ بن عمرو بن حرام رضی اللہ عنہ نے فرمایا: ”میں نے احد کی جنگ سے پہلے خواب میں دیکھا کہ مبشر بن عبدالمنذر مجھ سے کہہ رہے ہیں: تم چند دنوں میں ہمارے پاس آنے والے ہو، میں نے پوچھا: تم کہاں ہو؟ انہوں نے کہا: جنت میں، ہم اس میں جہاں چاہتے ہیں سیر کرتے ہیں، میں نے ان سے پوچھا: کیا تم بدر کے دن شہید نہیں کر دیے گئے تھے؟ انہوں نے کہا: کیوں نہیں، پھر مجھے زندہ کر دیا گیا“، پس انہوں نے اس کا تذکرہ رسول اللہ صلی اللہ علیہ وسلم سے کیا تو آپ صلی اللہ علیہ وسلم نے فرمایا: ”اے ابوجابر! یہ شہادت کی بشارت ہے۔“ حنظلہ بن عبداللہ رضی اللہ عنہ کے مناقب کا ذکر، جن کے والد عبداللہ کی کنیت ابوعامر بن عبد عمرو انصاری تھی، یہ وہی حنظلہ ہیں جنہیں فرشتوں نے غسل دیا تھا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4977]