ابواسحاق، ابراہیم بن اسحاق بن ابراہیم بن عیسیٰ بن مسلمہ بن سلیمان بن عبداللہ بن حنظلہ ابن ابی عامر بن عبد عمرو بیان کرتے ہیں کہ میرے والد نے اپنے والد کے حوالے سے ان کے دادا کا یہ بیان نقل کیا ہے کہ سیدنا حنظلہ بن ابی عامر نے شادی کی، اور رات کو اپنی دلہن کے ساتھ ہمبستری کی (یہ وہی رات تھی جس کی صبح میں غزوہ احد رونما ہوا تھا) پھر جب انہوں نے نماز فجر ادا کر لی تو دلہن نے ان کو دوبارہ پکڑ لیا، انہوں نے دوبارہ ہمبستری کی، اس کی وجہ سے ان پر غسل فرض ہو چکا تھا، پھر وہ (غسل کئے بغیر ہی) رسول اللہ صلی اللہ علیہ وسلم کے ہمراہ جہاد میں شریک ہو گئے۔ (غسل نہ کرنے کی وجہ یہ تھی کہ غسل میں مشغول ہو گیا تو کہیں رسول اللہ صلی اللہ علیہ وسلم کے فرمان کی تعمیل میں دیر نہ ہو جائے) [المستدرك على الصحيحين/كتاب معرفة الصحابة رضي الله تعالى عنهم/حدیث: 4978]