سیدنا عبداللہ بن عباس رضی اللہ عنہما فرماتے ہیں کہ رسول اللہ صلی اللہ علیہ وسلم نے ارشاد فرمایا: میں نے (خواب میں) دیکھا جیسا کہ میں جنت میں داخل ہوا، میں نے وہاں جعفر رضی اللہ عنہ کا مقام، زید رضی اللہ عنہ کے مقام سے بھی بلند دیکھا، میں نے کہا: میرا تو خیال تھا کہ زید کا مرتبہ کسی سے کم نہیں ہو گا، تو مجھے بتایا گیا کہ اے محمد صلی اللہ علیہ وسلم ! کیا آپ جانتے ہیں کہ جعفر رضی اللہ عنہ کا مقام کس وجہ سے اونچا ہے؟ میں نے کہا: نہیں۔ تو مجھے بتایا گیا کہ آپ کے ساتھ رشتہ داری کی وجہ سے۔ (سبحان اللہ) ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5002]