سعید بن مالک غنوی اپنے والد سے روایت کرتے ہیں کہ انہوں نے سیدنا مرثد بن ابی مرثد رضی اللہ عنہ کو غزوہ بدر کے دن ”سبل“ نامی گھوڑے پر سوار دیکھا۔ محمد بن عمر کہتے ہیں: مرثد بن ابی مرثد غنوی رضی اللہ عنہ کی شہادت غزوہ احد اور غزوہ خندق کے درمیانی عرصہ میں صفر سن 4 ہجری میں ہوئی۔ یہ اس بات کی دلیل ہے کہ سیدنا مرثد اپنے والد ابومرثد سے آٹھ سال قبل شہید ہوئے، کیونکہ ابومرثد رضی اللہ عنہ نے سیدنا ابوبکر صدیق رضی اللہ عنہ کے دورِ خلافت میں سن 12 ہجری میں مدینہ منورہ میں اپنی وفات تک زندگی گزاری۔ میں نے بہت کوشش کی کہ سیدنا مرثد سے مروی کوئی ایسی حدیث مل جائے جو وہ براہِ راست رسول اللہ صلی اللہ علیہ وسلم سے روایت کرتے ہوں لیکن مجھے سوائے اس ایک حدیث کے کوئی اور روایت نہیں ملی: [المستدرك على الصحيحين/كتاب معرفة الصحابة رضي الله تعالى عنهم/حدیث: 5048]