محمد بن اسحاق سے روایت ہے کہ سیدنا ابوبکر رضی اللہ عنہ نے بلال کو امیہ بن خلف سے خریدا تھا، وہ رسول اللہ صلی اللہ علیہ وسلم کے ہمراہ غزوہ بدر میں شریک ہوئے، وہ سیاہ فام تھے، ابوبکر رضی اللہ عنہ نے امیہ بن خلف کو ایک غلام دے کر اس کے بدلے بلال کو لیا تھا، ان کی والدہ کا نام حمامہ تھا اور وہ دونوں ہی اسلام لائے تھے، ان کی کنیت ابو عبداللہ تھی، ان کی وفات سنہ 20 ہجری میں دمشق میں ہوئی اور ایک قول کے مطابق سنہ 18 ہجری میں ہوئی۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5316]