سیدنا انس رضی اللہ عنہ فرماتے ہیں: ایک اندھیری اور تاریک رات میں سیدنا اسید بن حضیر رضی اللہ عنہ اور سیدنا عباد بن بشر رضی اللہ عنہ رسول اللہ صلی اللہ علیہ وسلم کے پاس تھے۔ جب یہ لوگ اٹھ کر گئے (تو رسول اللہ صلی اللہ علیہ وسلم کی برکت سے) ان میں سے ایک کی لاٹھی چمکنے لگ گئی اور وہ دونوں اس کی روشنی میں چلتے گئے، جب وہ دونوں ایک دوسرے سے جدا ہوئے (کیونکہ وہاں سے ان کے راستے الگ الگ تھے) تو دوسرے صحابی کی لاٹھی بھی چمکنے لگ گئی۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5343]