یعقوب بن جعفر بن سلیمان رضی اللہ عنہ اپنے والد کا یہ بیان نقل کرتے ہیں: میں اپنے والد جعفر منصور کے پاس گیا انہوں نے ان کی گھنی زلفیں دیکھیں، میں ان کی زلفوں کے حسن کی جانب دیکھنے لگ گیا۔ تو جعفر منصور نے کہا: میرے والد محمد بن علی کی بھی زلفیں تھیں، اور انہوں نے مجھے بتایا ہے کہ ان کے والد علی بن عبداللہ کی بھی زلفیں تھیں، وہ کہتے ہیں مجھے انہوں نے بتایا کہ میرے والد عباس بن عبدالمطلب کی بھی زلفیں تھیں، اور عباس رضی اللہ عنہ نے بتایا کہ نبی اکرم صلی اللہ علیہ وسلم کی بھی زلفیں تھیں، اور باشم بن عبد مناف کی بھی زلفیں تھیں۔ میں نے اپنے والد سے کہا: یہ بہت خوبصورت ہیں۔ انہوں نے کہا: یہ خلافت کا نور ہے۔ راوی کہتے ہیں: میرے والد اپنے والد سے وہ ان کے دادا سے روایت کرتے ہیں کہ جب الله تعالیٰ کسی کی تخلیق خلافت کے لئے فرماتا ہے تو اس کی پیشانی پر ہاتھ پھیر دیتا ہے، اس وجہ سے اس پر صرف محبت کرنے والے کی ہی نظر پڑتی ہے (اور نگاہ بد سے وہ بچا رہتا ہے) ٭٭ اس حدیث کے تمام راوی ہاشمی ہیں اور نیک خاندان میں مشہور ہیں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5515]