عائشہ بنت قدامہ سے روایت ہے کہ سیدنا قدامہ بن مظعون رضی اللہ عنہ کی وفات سن 36 ہجری میں ہوئی، اس وقت ان کی عمر اڑسٹھ برس تھی اور وہ اپنے سفید بالوں کا خضاب سے رنگ تبدیل نہیں کرتے تھے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5720]

سیدنا ابن عمر رضی اللہ عنہما سے روایت ہے کہ وہ قدامہ بن مظعون بن حبیب جمی ہیں، انہوں نے رسول اللہ صلی اللہ علیہ وسلم کے دارِ ارقم میں داخل ہونے اور وہاں (علانیہ) دعوت شروع کرنے سے پہلے ہی اسلام قبول کر لیا تھا، وہ سیدنا عثمان بن مظعون رضی اللہ عنہ کے بھائی ہیں، سیدنا قدامہ رضی اللہ عنہ نے حبشہ کی طرف دوسری ہجرت کی تھی، ان کے نکاح میں سیدنا عمر بن خطاب رضی اللہ عنہ کی بہن صفیہ بنت خطاب تھیں، اور سیدنا قدامہ رضی اللہ عنہ رسول اللہ صلی اللہ علیہ وسلم کے ہمراہ غزوہ بدر، احد، خندق اور تمام معرکوں میں شریک رہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5720M]