حبہ عرنی سے روایت ہے کہ ہم سیدنا ابو مسعود انصاری رضی اللہ عنہ کے ہمراہ سیدنا حذیفہ بن یمان رضی اللہ عنہ کی خدمت میں حاضر ہوئے تاکہ ان سے فتنوں کے متعلق سوال کریں، تو انہوں نے فرمایا: ”تم اللہ کی کتاب کے ساتھ رہو جہاں بھی وہ تمہیں لے جائے، اور اس گروہ کو دیکھو جس میں ابن سمیہ (عمار) ہوں تو اس کی پیروی کرو، کیونکہ وہ اللہ کی کتاب کے ساتھ ہوتے ہیں جہاں بھی وہ ہو“، راوی کہتے ہیں: ہم نے ان سے پوچھا کہ ابن سمیہ کون ہیں؟ انہوں نے کہا: عمار؛ میں نے رسول اللہ صلی اللہ علیہ وسلم کو ان سے یہ فرماتے ہوئے سنا ہے: ”تم ہرگز فوت نہیں ہو گے یہاں تک کہ تمہیں ایک باغی گروہ قتل کر دے گا، تم پانی ملا ہوا دودھ پیو گے جو دنیا میں تمہارا آخری رزق ہوگا“۔
یہ حدیث صحیح اور عالی ہے لیکن شیخین نے اسے روایت نہیں کی۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5780]