سیدہ اسماء بنت ابوبکر رضی اللہ عنہما سے روایت ہے، انہوں نے کہا: میں نے زید بن عمرو بن نفیل کو کعبہ سے پیٹھ لگائے کھڑے دیکھا، وہ کہہ رہے تھے: ”اے گروہِ قریش! آج میرے سوا تم میں سے کوئی بھی دینِ ابراہیمی پر نہیں ہے“، اور وہ زندہ درگور کی جانے والی بچیوں کی جان بچایا کرتے تھے، جب کوئی شخص اپنی بیٹی کو قتل کرنے کا ارادہ کرتا تو وہ اس سے کہتے: ”ٹھہرو! اسے قتل نہ کرو، اس کے اخراجات کا بوجھ میں اٹھاؤں گا“، چنانچہ وہ اسے لے لیتے، پھر جب وہ بچی بڑی ہو جاتی تو وہ اس کے باپ سے کہتے: ”اگر تم چاہو تو میں اسے تمہارے حوالے کر دوں اور اگر چاہو تو میں ہی اس کی کفالت جاری رکھوں۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5972]