عبداللہ بن ظالم فرماتے ہیں کہ سیدنا مغیرہ بن شعبہ رضی اللہ عنہ اپنے خطبے میں سیدنا علی رضی اللہ عنہ پر سب و شتم کیا کرتے تھے اور ایسے ہی خطیب مقرر کئے تھے جو سیدنا علی رضی اللہ عنہ پر سب و شتم کرتے تھے۔ ایک دفعہ کا ذکر ہے کہ وہ خطبے میں حسب معمول سیدنا رضی اللہ عنہ کی شان میں نازیبا الفاظ بول رہے تھے، اس وقت میرے پہلو میں سیدنا سعید بن زید بن عمرو بن نفیل عدوی رضی اللہ عنہ بیٹھے ہوئے تھے۔ راوی کہتے ہیں: انہوں نے اپنا ہاتھ مجھے مارا اور کہا: کیا تم دیکھ نہیں رہے ہو کہ یہ کیا کہہ رہا ہے؟ اس نے 9 صحابہ کرام کے بارے میں تو جنتی ہونے کا اقرار کر لیا ہے۔ اگر میں دسویں کے بارے میں قسم کھا لوں تو میں اس قسم کھانے میں سچا ہوں گا۔ میں رسول اللہ صلی اللہ علیہ وسلم کے ہمراہ حراء میں تھا، وہاں میں تھا، سیدنا ابوبکر، سیدنا عمر، سیدنا عثمان، سیدنا علی، سیدنا طلحہ، سیدنا زبیر، سیدنا سعد، سیدنا عبدالرحمن بن عوف رضی اللہ عنہم موجود تھے، پہاڑ ہلنے لگ گیا، نبی اکرم صلی اللہ علیہ وسلم نے فرمایا: رک جا، کیونکہ تیرے اوپر ایک نبی ہے، ایک صدیق ہے اور شہید ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6011]