امام شعبی رحمہ اللہ سے روایت ہے، انہوں نے فرمایا کہ فتویٰ اور قضا کا مدار رسول اللہ صلی اللہ علیہ وسلم کے چھ صحابہ پر تھا، تین مدینہ میں تھے اور تین کوفہ میں؛ مدینہ میں سیدنا عمر، ابی بن کعب اور زید بن ثابت رضی اللہ عنہم تھے، اور کوفہ میں سیدنا علی، عبداللہ بن مسعود اور ابوموسیٰ اشعری رضی اللہ عنہم تھے، راوی کہتے ہیں کہ میں نے شعبی سے پوچھا: کیا ابوموسیٰ بھی ان میں شامل تھے؟ تو انہوں نے کہا: وہ فقہا میں سے ایک تھے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6072]