ابووائل سے روایت ہے کہ میں سیدنا ابوموسیٰ اشعری، عمار بن یاسر اور ابومسعود بدری رضی اللہ عنہم کے پاس موجود تھا، میں نے ابوموسیٰ اور ابومسعود کو عمار سے یہ کہتے ہوئے سنا: ”ہم نے تمہارے اسلام لانے کے بعد تمہارے کسی معاملے کو اس (فتنے کے) معاملے میں تمہاری تیزی سے زیادہ ناپسندیدہ نہیں پایا“، سیدنا عمار رضی اللہ عنہ نے جواب دیا: ”اور میں نے بھی تم دونوں کے اسلام لانے کے بعد سے تمہاری اس سستی اور تاخیر سے بڑھ کر کسی چیز کو ناپسند نہیں کیا“، پھر وہ سب مل کر مسجد کی طرف نکل گئے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6078]