سیدنا ابووائل فرماتے ہیں: میں سیدنا ابوموسیٰ اشعری رضی اللہ عنہ، سیدنا عمار بن یاسر رضی اللہ عنہ، اور سیدنا ابومسعود بدری رضی اللہ عنہ کی خدمت میں حاضر تھا۔ میں نے سنا، سیدنا ابوموسیٰ اور سیدنا ابومسعود رضی اللہ عنہما سیدنا عمار بن یاسر رضی اللہ عنہ سے کہہ رہے تھے، تم نے اس معاملہ میں جو جلد بازی کی ہے، ہم نے تمہاری شخصیت میں اس سے زیادہ ناپسندیدہ بات کوئی نہیں دیکھی۔ جواباً سیدنا عمار بن یاسر رضی اللہ عنہ نے فرمایا: اور جب سے تم مسلمان ہوئے ہو میں نے تم دونوں میں اس معاملہ میں سستی سے زیادہ ناپسندیدہ بات کوئی نہیں دیکھی۔ اس کے بعد وہ تمام اصحاب مسجد کی جانب روانہ ہو گئے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6078]