محمد بن عمر کہتے ہیں: سیدنا ابوہریرہ رضی اللہ عنہ کا انتقال 59 ہجری کو سیدنا معاویہ رضی اللہ عنہ کی حکومت کے اواخر میں ہوا۔ جب سیدنا عثمان بن عفان رضی اللہ عنہ کی شہادت ہوئی اس وقت ان کی عمر 78 برس تھی، ولید بن عتبہ ان دنوں مدینہ کا امیر تھا اسی نے سیدنا ابوہریرہ رضی اللہ عنہ کی نماز جنازہ پڑھائی تھی، ان دنوں مروان مدینہ سے معزول تھا۔ ولید بن عتبہ نے سیدنا معاویہ رضی اللہ عنہ کی جانب خط لکھا کہ سیدنا ابوہریرہ رضی اللہ عنہ کا انتقال ہو گیا ہے۔ اس کے جواب میں سیدنا معاویہ رضی اللہ عنہ نے خط میں لکھا کہ ان کے وارثوں کو دیکھو (کہ کتنے ہیں؟) ان کے ہر وارث کو دس ہزار درہم دے دو، ان کے ساتھ اچھا سلوک کرو، ان کی خوب خدمت کرو، کیونکہ سیدنا ابوہریرہ رضی اللہ عنہ ان لوگوں میں سے ہیں جنہوں نے سیدنا عثمان رضی اللہ عنہ کی مدد کی تھی۔ اور ان کے ساتھ ان کے گھر میں موجود رہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6281]