خلیفہ بن خیاط بیان کرتے ہیں کہ سیدنا مسور بن مخرمہ رضی اللہ عنہ کی وفات سن 64 ہجری میں مکہ مکرمہ میں ہوئی، اور کہا جاتا ہے کہ ان کی وفات مقامِ حجون پر ہوئی؛ وہ مکہ میں حطیم (حجر) میں موجود تھے کہ منجنیق کا ایک پتھر انہیں لگا، جس کے پانچ دن بعد ان کی وفات ہو گئی، سیدنا عبداللہ بن زبیر رضی اللہ عنہما نے ان کی نمازِ جنازہ پڑھائی جبکہ ان کی عمر 68 برس تھی۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6354]