سیدنا مسور بن مخرمہ رضی اللہ عنہ بیان کرتے ہیں کہ نبی کریم صلی اللہ علیہ وسلم کے پاس کچھ قبائیں (لباس) آئیں جنہیں آپ صلی اللہ علیہ وسلم نے اپنے صحابہ میں تقسیم کر دیا، تو میرے والد نے مجھ سے کہا: ”ہمارے ساتھ آپ صلی اللہ علیہ وسلم کی خدمت میں چلو کیونکہ آپ صلی اللہ علیہ وسلم کے پاس قبائیں آئی ہیں،“ میرے والد نے دروازے پر گفتگو کی تو رسول اللہ صلی اللہ علیہ وسلم نے ان کی آواز پہچان لی، آپ صلی اللہ علیہ وسلم ایک قبا لے کر باہر تشریف لائے اور فرمانے لگے: ”میں نے یہ تمہارے لیے چھپا کر رکھی تھی، میں نے یہ تمہارے لیے چھپا کر رکھی تھی۔“
یہ حدیث صحیح مسلم میں مروی ہے، میں نے اسے یہاں اس لیے دوبارہ ذکر کیا تاکہ معلوم ہو سکے کہ وہ اپنے والد کے ساتھ نبی کریم صلی اللہ علیہ وسلم کی خدمت میں حاضر ہوتے تھے اور آپ صلی اللہ علیہ وسلم ان کے ساتھ حسنِ سلوک فرماتے اور انہیں کھانا کھلاتے تھے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6357]