سیدنا عبداللہ بن عمرو رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا ” چار آدمیوں سے قرآن سیکھو، دو آدمی مہاجرین میں سے اور دو آدمی انصار میں سے ہیں۔ 1۔ عبداللہ بن مسعود رضی اللہ عنہ۔ 2۔ ابوحذیفہ کے آزاد کردہ غلام ” سالم “ رضی اللہ عنہ۔ 3۔ ابی بن کعب رضی اللہ عنہ۔ 4۔ سیدنا معاذ بن جبل رضی اللہ عنہ۔ راوی کہتے ہیں: اور رسول اللہ صلی اللہ علیہ وسلم نے سیدنا عبداللہ بن مسعود رضی اللہ عنہ کے لئے کوئی خاص بات بھی کہی تھی۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6372]