عمرو بن شعیب اپنے والد سے، وہ ان کے دادا سے روایت کرتے ہیں کہ سیدنا عبداللہ بن عمرو رضی اللہ عنہ کی والدہ ریطہ بنت منبہ بن حجاج، رسول اللہ صلی اللہ علیہ وسلم کا بہت خیال رکھا کرتی تھیں۔ ایک دن نبی اکرم صلی اللہ علیہ وسلم ان کے پاس تشریف لائے، آپ صلی اللہ علیہ وسلم نے ان کا حال پوچھا تو وہ بولیں۔ میں ٹھیک ہوں۔ سیدنا عبداللہ تارک الدنیا تھے۔ جنگ صفین میں ان کے والد نے ان سے کہا: نکلو اور جنگ کرو، انہوں نے کہا: اے میرے پیارے والد محترم آپ مجھے حکم دے رہے ہیں کہ میں باہر نکلوں اور جنگ کروں۔ جبکہ رسول اللہ صلی اللہ علیہ وسلم کا عہد آپ نے سن رکھا ہے، انہوں (سیدنا عمرو بن عاص) نے کہا: میں تمہیں اللہ کی قسم دے کر پوچھتا ہوں ” کیا تم جانتے ہو کہ رسول اللہ صلی اللہ علیہ وسلم کا آپ کی جانب کیا عہد تھا؟ آپ صلی اللہ علیہ وسلم نے تیرا ہاتھ پکڑ کر میرے ہاتھ کے نیچے رکھا اور فرمایا: اپنے والد عمرو بن عاص رضی اللہ عنہ کی اطاعت کرنا۔ عبداللہ نے کہا: جی ہاں۔ ان کے والد نے کہا: پھر میں تمہیں حکم دیتا ہوں کہ تم جنگ میں شریک ہو جاؤ، چنانچہ سیدنا عبداللہ نکلے اور جنگ میں شریک ہو گئے، جب جنگ ختم ہو گئی تو سیدنا عبداللہ نے مذکورہ بالا اشعار کہے (جن کا ترجمہ درج ذیل ہے) * اگر میں جنگ صفین میں اپنے مقام اور قتل گاہ میں حاضر ہوتا جس دن پیشانی کے بالوں میں بڑھاپے کے آثار نظر آ رہے تھے۔ * جس رات عراق کی فوجیں بہار کے بادلوں کی طرح آئیں، جن کی ہیبت سے لشکر لرز اٹھے۔ * جب وہ کم ہوئے تو بھاگ کھڑے ہوئے، جب ان کی ایک جماعت ہمارے سامنے ثابت قدم رہی، اور کچھ لشکر آہستہ آہستہ چل کر روانہ ہو گئے۔ * وہ ہم سے کہنے لگے: ہم سمجھ رہے ہیں کہ تم لوگ علی کی بیعت کر لو گے، ہم نے کہا: جبکہ ہم تو سمجھ رہے ہیں کہ تم جنگ کرو گے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6373]