سیدنا عبداللہ بن زبیر رضی اللہ عنہما سے روایت ہے، انہوں نے کہا: غزوہ خندق کے دن میں اور عمر بن ابی سلمہ ایک قلعے پر تھے، وہ میرے لیے جھکتے تو میں لڑائی کا منظر دیکھتا اور میں ان کے لیے جھکتا تو وہ لڑائی دیکھتے تھے۔ میں نے اپنے والد (سیدنا زبیر) کو دیکھا کہ وہ شور زدہ زمین میں کبھی ان لوگوں پر حملہ کرتے اور کبھی ان پر۔ جب وہ واپس آئے تو میں نے عرض کیا: اباجان! میں نے آپ کو (لڑتے ہوئے) دیکھا تھا، انہوں نے پوچھا: اے میرے بیٹے! کیا واقعی تم نے مجھے دیکھا؟ میں نے کہا: جی ہاں، انہوں نے فرمایا: آج رسول اللہ صلی اللہ علیہ وسلم نے میرے لیے اپنے والدین کو جمع کر دیا تھا (یعنی فرمایا تھا: تم پر میرے ماں باپ قربان ہوں)۔
یہ حدیث شیخین کی شرط پر صحیح ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6485]