ابوبکر بن احمد بن بالویہ اور ابراہیم بن اسحاق حربی سے مروی ہے کہ ابو رافع رضی اللہ عنہ جو رسول اللہ صلی اللہ علیہ وسلم کے آزاد کردہ غلام تھے، پہلے سیدنا عباس بن عبدالمطلب رضی اللہ عنہ کی ملکیت میں تھے، پھر جب سیدنا عباس رضی اللہ عنہ اسلام لائے تو انہوں نے انہیں نبی کریم صلی اللہ علیہ وسلم کی خدمت میں ہبہ کر دیا، ان کا نام اسلم تھا اور ایک قول کے مطابق ابراہیم تھا، وہ غزوہ بدر سے پہلے ہی اسلام لا چکے تھے لیکن سیدنا عباس رضی اللہ عنہ کے ساتھ مکہ ہی میں مقیم رہے، ان کی وفات سیدنا عثمان رضی اللہ عنہ کی شہادت کے بعد سنہ 35 ہجری میں ہوئی۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6681]