سیدنا قباث بن اشیم لیثی رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: دو آدمی نماز کے لئے جماعت کریں اس طرح کہ ان میں سے ایک امام بن جائے اور دوسرا مقتدی، یہ اللہ تعالیٰ کی بارگاہ میں ان چالیس آدمیوں کی نماز سے بہتر ہے جو الگ الگ نماز پڑھ رہے ہوں، اور چار آدمی جماعت کے ساتھ نماز پڑھیں اس طرح کہ ان میں سے ایک امام بن جائے اور باقی تین مقتدی ہوں۔ یہ اللہ تعالیٰ کی بارگاہ میں 80 لوگوں کے الگ الگ نماز پڑھنے سے بہتر ہے۔ اور 8 آدمی جماعت کے ساتھ نماز پڑھیں، اس طرح کہ ان میں سے ایک امام بن جائے اور باقی 7 مقتدی، یہ ان 100 آدمیوں سے بہتر ہے جو الگ الگ نماز پڑھ رہے ہوں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6771]