ابراہیم بن اسحاق حربی کہتے ہیں: ابوالعاص بن ربیع، رسول اللہ صلی اللہ علیہ وسلم کی صاحبزادی کے شوہر ہیں، اور اپنی زوجہ کی خالہ کے بیٹے ہیں۔ ان کی والدہ ” ہالہ بنت خویلد “ ہیں جو کہ سیدنا ” خدیجہ رضی اللہ عنہا “ کی بہن ہیں۔ سیدنا ابوالعاص رضی اللہ عنہ کا اصل نام ” مہشم “ ہے۔ ان کا لقب ” جروالبطحاء “ تھا۔ سیدہ زینب بنت رسول اللہ صلی اللہ علیہ وسلم کے بطن سے ان کا ایک بیٹا ” علی بن ابی العاص “ پیدا ہوا، اور ایک لڑکی ” امامہ بنت ابی العاص “ پیدا ہوئی۔ سیدنا ابوالعاص رضی اللہ عنہ سیدنا ابوبکر رضی اللہ عنہ کے دور خلافت میں سن 11 ہجری کو فوت ہوئے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6838]