محمد بن عمر اور عمر بن عثمان جحشی اپنے والد سے روایت کرتے ہیں کہ جب نبی کریم صلی اللہ علیہ وسلم مدینہ تشریف لائے تو سیدہ زینب بنت جحش رضی اللہ عنہا بھی آپ صلی اللہ علیہ وسلم کے ساتھ ہجرت کرنے والوں میں شامل تھیں، وہ ایک انتہائی حسین و جمیل خاتون تھیں۔ رسول اللہ صلی اللہ علیہ وسلم نے ان کے لیے سیدنا زید بن حارثہ رضی اللہ عنہ کی جانب سے نکاح کا پیغام دیا تو انہوں نے عرض کی: ”یا رسول اللہ! میں ان (زید) کے لیے خود کو پسند نہیں کرتی، جبکہ میں قریش کی ایک معزز خاتون ہوں۔“ آپ صلی اللہ علیہ وسلم نے فرمایا: ”لیکن میں نے انہیں تمہارے لیے پسند کر لیا ہے“، چنانچہ آپ صلی اللہ علیہ وسلم کے حکم پر سیدنا زید بن حارثہ رضی اللہ عنہ نے ان سے نکاح کر لیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6933]

عمر بن عثمان جحشی اپنے والد سے روایت کرتے ہیں، انہوں نے کہا: نبی کریم صلی اللہ علیہ وسلم مدینہ منورہ تشریف لائے تو سیدہ زینب بنت جحش رضی اللہ عنہا ان لوگوں میں شامل تھیں جنہوں نے رسول اللہ صلی اللہ علیہ وسلم کے ہمراہ ہجرت کی تھی، وہ ایک حسین و جمیل خاتون تھیں، رسول اللہ صلی اللہ علیہ وسلم نے ان کے لیے سیدنا زید بن حارثہ رضی اللہ عنہ کا رشتہ مانگا تو انہوں نے عرض کی: اے اللہ کے رسول! میں انہیں اپنے لیے پسند نہیں کرتی جبکہ میں قریش کی معزز بیوہ ہوں، آپ صلی اللہ علیہ وسلم نے فرمایا: ”میں نے اسے تمہارے لیے پسند کر لیا ہے“، چنانچہ سیدنا زید بن حارثہ رضی اللہ عنہ نے ان سے نکاح کر لیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6933M]