عمر بن عثمان جحشی سے روایت ہے، وہ ابراہیم بن عبداللہ بن محمد جحشی سے اور وہ اپنے والد سے روایت کرتے ہیں کہ سیدنا عکاشہ بن محصن رضی اللہ عنہ کی والدہ سے پوچھا گیا: سیدہ زینب بنت جحش رضی اللہ عنہا کی وفات کے وقت عمر کتنی تھی؟ انہوں نے بتایا: ”جب ہم ہجرت کر کے مدینہ آئے تو ان کی عمر تیس سال سے کچھ اوپر تھی، اور ان کی وفات بیس ہجری میں ہوئی“۔ عمر بن عثمان کہتے ہیں کہ میرے والد فرمایا کرتے تھے: ”سیدہ زینب بنت جحش رضی اللہ عنہا کی جب وفات ہوئی تو وہ ترپن (53) سال کی تھیں۔“ [المستدرك على الصحيحين/كتاب معرفة الصحابة رضي الله تعالى عنهم/حدیث: 6938]