عبداللہ ابن ابی سلیط فرماتے ہیں: میں نے ابواحمد بن جحش کو دیکھا وہ سیدہ زینب کے جنازے کو کندھا دیئے ہوئے تھے، اور رو رہے تھے، سیدنا عمر رضی اللہ عنہ نے ان سے کہا: اے ابواحمد! آپ جنازہ سے ہٹ جائیے، لوگ آپ کو جنازے کی چارپائی پر تھکا دیں گے۔ ابواحمد نے کہا: ہم نے اس خاتون سے ہر بھلائی پائی، اور بے شک یہ اس چیز کی گرمی کو ختم کرے گی جو گری میں پاتا ہوں، سیدنا عمر رضی اللہ عنہ (درمیان سے ہٹ گئے اور) بولے: پکڑ لو، پکڑ لو۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6936]

عمر بن عثمان جحشی اپنے والد کا یہ بیان نقل کرتے ہیں (آپ فرماتے ہیں) سیدہ زینب بنت جحش رضی اللہ عنہا نے کوئی درہم اور دینار وغیرہ وراثت نہیں چھوڑی، بلکہ جو چیز ان کے ہاتھ آتی، آپ وہ سب خیرات کر دیا کرتی تھیں۔ آپ مساکین کا ماویٰ و ملجا تھیں۔ انہوں نے اپنا ایک مکان چھوڑا تھا، جب مسجد کی توسیع کا کام شروع ہوا تو اس کو ولید بن عبدالملک کے ہاتھوں 50000 پچاس ہزار دراہم کے عوض بیچ دیا گیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6937]