سیدنا مصعب بن عبداللہ زبیری سے روایت ہے، انہوں نے کہا: سیدہ زینب رضی اللہ عنہا رسول اللہ صلی اللہ علیہ وسلم کی سب سے بڑی صاحبزادی تھیں، اور ان کی وفات کا سبب یہ بنا کہ جب وہ مکہ سے رسول اللہ صلی اللہ علیہ وسلم کی طرف ہجرت کے لیے نکلیں تو ہبار بن اسود اور ایک دوسرے شخص نے انہیں جا لیا، ان میں سے ایک نے انہیں دھکا دیا جس سے وہ ایک چٹان پر گر گئیں، وہ حاملہ تھیں اس لیے ان کا حمل ساقط ہو گیا اور خون بہنے لگا، وہ مسلسل اسی تکلیف میں مبتلا رہیں یہاں تک کہ اسی بیماری سے ان کا انتقال ہو گیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7011]