سیدنا سعد رضی اللہ عنہ فرماتے ہیں: جب سیدنا عثمان بن عفان رضی اللہ عنہ نے حبشہ کی جانب ہجرت کا ارادہ کیا تو رسول اللہ صلی اللہ علیہ وسلم نے ان سے کہا: رقیہ کو بھی اپنے ساتھ لے جاؤ، میں سوچ رہا ہوں کہ تم میں سے کوئی ایک، دوسرے پر صبر کرے گا۔ پھر نبی اکرم صلی اللہ علیہ وسلم نے سیدہ اسماء بنت ابوبکر رضی اللہ عنہا کو ان کی خیریت دریافت کرنے کے لئے بھیجا، سیدہ اسماء نبی اکرم صلی اللہ علیہ وسلم کے پاس جب واپس آئیں تو اس وقت سیدنا ابوبکر صدیق رضی اللہ عنہ بھی رسول اللہ صلی اللہ علیہ وسلم کے پاس بیٹھے ہوئے تھے، سیدہ اسماء رضی اللہ عنہا نے عرض کی: یا رسول اللہ صلی اللہ علیہ وسلم انہوں نے اپنا پالان ڈالا ہوا گدھا نکالا اور سیدہ رقیہ کو اس پر سوار کیا اور دریا کی جانب روانہ ہو گئے، رسول اللہ صلی اللہ علیہ وسلم نے فرمایا: اے ابوبکر! سیدنا لوط علیہ السلام اور سیدنا ابراہیم علیہ السلام کے بعد یہ پہلے ہجرت کرنے والے ہیں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7021]