سیدنا انس بن مالک رضی اللہ عنہ سے روایت ہے، انہوں نے کہا: میں رسول اللہ صلی اللہ علیہ وسلم کی صاحبزادی (کے جنازے) میں شریک تھا، آپ صلی اللہ علیہ وسلم قبر کے کنارے تشریف فرما تھے اور میں نے دیکھا کہ آپ صلی اللہ علیہ وسلم کی آنکھوں سے آنسو جاری تھے، آپ صلی اللہ علیہ وسلم نے پوچھا: ”کیا تم میں کوئی ایسا شخص ہے جس نے آج کی رات اپنی اہلیہ سے قربت نہ کی ہو؟“ سیدنا ابو طلحہ رضی اللہ عنہ نے عرض کی: یا رسول اللہ! میں ہوں، آپ صلی اللہ علیہ وسلم نے فرمایا: ”تو تم ان کی قبر میں اترو۔“
یہ حدیث امام بخاری اور امام مسلم کی شرط پر صحیح ہے لیکن ان دونوں نے اسے روایت نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7026]