سیدنا جعدہ بن ہبیرہ رضی اللہ عنہ فرماتے ہیں: میری والدہ سیدہ ام ہانی بنت ابی طالب بیان کرتی ہیں کہ رسول اللہ صلی اللہ علیہ وسلم نے ارشاد فرمایا: بے شک اللہ تعالیٰ نے قیرش کو 7 وجوہات کی بناء پر فضیلت دی ہے، وہ چیزیں ان سے پہلے کسی کو عطا نہیں ہوئیں، اور نہ ہی ان کے بعد کسی کو نصیب ہوئیں۔ * اس خاندان میں نبوت ہے۔ * (کعبۃ اللہ کی) دربانی کا پیشہ ان کے پاس ہے۔ * آب زم زم کی ذمہ داری ان کے پاس ہے۔ * اللہ تعالیٰ نے ہاتھیوں کے لشکر کے مقابلے میں ان کی مدد کی۔ * یہ لوگ اللہ تعالیٰ کے سوا اور کسی کی بھی عبادت نہیں کرتے۔ * دس سال تک انہوں نے اللہ تعالیٰ کی عبادت کی جبکہ ان کے سوا اور کوئی بھی اللہ تعالیٰ کی عبادت نہیں کرتا تھا۔ * ان کے بارے میں سورت ” لایلاف قریش “ نازل ہوئی، اس سورت میں دوسرے کسی خاندان کا ذکر نہیں ہے۔ یحیی بن جعدہ بن ہبیرہ نے بھی اپنی دادی ” سیدہ ام ہانی رضی اللہ عنہا “ سے روایت کی ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7051]