7105 - مصعب بن عبداللہ الزبیری بیان کرتے ہیں کہ: ام خالد (رضی اللہ عنہا) کا نام امۃ بنت خالد بن سعید بن العاص تھا۔ خالد بن سعید اپنی زوجہ ہمینہ بنت خلف کے ہمراہ سرزمینِ حبشہ کی طرف ہجرت کر گئے تھے، وہیں ان کے ہاں امۃ بنت خالد کی ولادت ہوئی۔ وہ سرزمینِ حبشہ میں ہی رہیں یہاں تک کہ جب (مہاجرین) دو کشتیوں کے ذریعے واپس آئے، اس وقت امۃ بڑی ہو چکی تھیں اور سمجھ بوجھ رکھتی تھیں۔ ان سے زبیر بن عوام (رضی اللہ عنہ) نے نکاح کیا، جن سے ان کے دو بیٹے عمر اور خالد پیدا ہوئے۔ انہوں نے طویل عمر پائی اور نبی کریم صلی اللہ علیہ وسلم سے احادیث بھی روایت کیں"۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7105]