محمد بن عمر فرماتے ہیں: امیمہ بنت رقیقہ رضی اللہ عنہا۔ رقیقہ، ان کی والدہ ہیں، اور ان کے والد کا نام ” عبداللہ بن بجاد بن عمیر بن حارث بن حارثہ بن سعد بن تیم بن مرہ “ ہے۔ ان کی والدہ ” رقیقہ بنت خویلد بن اسد بن عبدالعزیٰ “ ہیں، نبی اکرم صلی اللہ علیہ وسلم کی زوجہ محترمہ سیدہ خدیجہ رضی اللہ عنہا کی بہن ہیں، ان کے شوہر کے انتقال کے بعد، حبیب بن کعب بن عتیر ثقفی سے ان کی شادی ہوئی، ان کے ہاں ” نہدیہ “ پیدا ہوئیں، سیدنا امیمہ بنت رقیقہ رضی اللہ عنہا رسول اللہ صلی اللہ علیہ وسلم کے وصال کے بعد زندہ رہیں، اور حضور صلی اللہ علیہ وسلم سے روایت بھی کی۔ مذکورہ حدیث کی صحت کے حوالے سے ابوعبداللہ واقدی کی درج ذیل حدیث مروی ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7124]