سیدنا محمد بن حمزہ بن عبداللہ بن سلام اپنے والد اور وہ اپنے دادا (سیدنا عبداللہ بن سلام رضی اللہ عنہ) سے روایت کرتے ہیں کہ نبی کریم صلی اللہ علیہ وسلم اپنے بعض صحابہ کے ساتھ تشریف فرما تھے کہ اتنے میں سیدنا عثمان رضی اللہ عنہ ایک اونٹ ہانکتے ہوئے آئے جس پر دو بڑے تھیلے لدے ہوئے تھے اور انہوں نے اسے اونٹ کی نکیل سے تھاما ہوا تھا، تو نبی کریم صلی اللہ علیہ وسلم نے ان سے دریافت فرمایا: ”تمہارے پاس کیا ہے؟“ انہوں نے عرض کی: آٹا، گھی اور شہد، نبی کریم صلی اللہ علیہ وسلم نے ان سے فرمایا: ”(اونٹ کو) بٹھاؤ“، چنانچہ انہوں نے اسے بٹھا دیا، پھر نبی کریم صلی اللہ علیہ وسلم نے ایک بڑی ہانڈی منگوائی اور اس میں وہ آٹا، گھی اور شہد ڈال دیا، پھر آپ صلی اللہ علیہ وسلم نے اسے اچھی طرح پکایا، پھر نبی کریم صلی اللہ علیہ وسلم نے تناول فرمایا اور صحابہ کرام نے بھی کھایا، پھر آپ صلی اللہ علیہ وسلم نے ان سے فرمایا: ”کھاؤ، کیونکہ یہ اہلِ فارس کے «خبيص» (ایک خاص حلوے) کے مشابہ ہے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب الأطعمة/حدیث: 7270]