سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”اللہ عزوجل نے ارشاد فرمایا: میں رحمن ہوں اور یہ رحم (رشتہ داری) ہے، پس جس نے اسے جوڑا میں اسے (اپنی رحمت سے) جوڑ دوں گا، اور جس نے اسے توڑا میں اسے (اپنی رحمت سے) کاٹ دوں گا۔“
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا، اور یہ واضح اسناد کے ساتھ سیدنا عبدالرحمن بن عوف، سیدنا سعید بن زید، سیدہ عائشہ اور سیدنا عبداللہ بن عمرو رضی اللہ عنہم سے بھی مروی ہے۔ [المستدرك على الصحيحين/كتاب البر والصلة/حدیث: 7452]