سیدنا عبدالرحمن بن عوف رضی اللہ عنہ سے روایت ہے کہ ایک شخص ان کی عیادت کے لیے گیا جب وہ بیمار تھے، تو سیدنا عبدالرحمن نے اس سے کہا: تم نے صلہ رحمی کی ہے (یعنی رشتہ داری نبھائی ہے)، میں نے رسول اللہ صلی اللہ علیہ وسلم کو یہ فرماتے ہوئے سنا: ”اللہ عزوجل نے ارشاد فرمایا: میں رحمن ہوں اور یہ رحم (رشتہ داری) ہے، میں نے اسے اپنے نام سے نکالا ہے، پس جس نے اسے جوڑا میں اسے جوڑ دوں گا، اور جس نے اسے توڑا میں اسے کاٹ دوں گا، اور جس نے اسے جڑ سے کاٹا میں اسے (اپنی رحمت سے) بالکل جدا کر دوں گا۔“ [المستدرك على الصحيحين/كتاب البر والصلة/حدیث: 7454]