سیدنا جرہد رضی اللہ عنہ فرماتے ہیں کہ نبی اکرم صلی اللہ علیہ وسلم نے ان کو دیکھا، اس وقت میں مسجد میں اپنی ران ننگی کیے ہوئے بیٹھا تھا، حالانکہ میں نے بڑی چادر اوڑھ رکھی تھی۔ حضور صلی اللہ علیہ وسلم نے فرمایا: ران بھی ستر کا حصہ ہے۔ ٭٭ یہ حدیث صحیح الاسناد ہے، لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ محمد بن جحش سے مروی درج ذیل حدیث، مذکورہ حدیث کی شاہد ہے۔ [المستدرك على الصحيحين/كتاب اللباس/حدیث: 7547]