سیدہ عائشہ رضی اللہ عنہا سے روایت ہے، انہوں نے کہا: میں نے غزوہ خندق کے دن ایک شخص کو دِحیہ بن خلیفہ کلبی کی مشابہت میں ایک سواری پر سوار دیکھا جو رسول اللہ صلی اللہ علیہ وسلم سے سرگوشی کر رہا تھا، اور اس کے سر پر عمامہ تھا جس کا ایک پلو اس نے اپنے چہرے یا کندھوں پر لٹکایا ہوا تھا، میں نے رسول اللہ صلی اللہ علیہ وسلم سے اس کے متعلق دریافت کیا تو آپ صلی اللہ علیہ وسلم نے فرمایا: ”وہ جبرائیل علیہ السلام تھے، انہوں نے مجھے بنو قریظہ کی طرف کوچ کرنے کا حکم دیا ہے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب اللباس/حدیث: 7600]