سیدنا براء بن عازب رضی اللہ عنہ فرماتے ہیں: ایک آدمی نے ان سے کہا: ہم ایسے جانور کو پسند نہیں کرتے جس کے سینگوں یا کانوں میں کوئی نقص ہو، سیدنا براء رضی اللہ عنہ نے اس سے کہا: تم اپنے لیے جو چاہو ناپسند کرو لیکن اس کو لوگوں پر حرام مت کرو، سیدنا براء رضی اللہ عنہ فرماتے ہیں: رسول اللہ صلی اللہ علیہ وسلم نے ارشاد فرمایا: چار جانور ایسے ہیں جن کی قربانی جائز نہیں ہے۔ اندھا، جس کا اندھا پن بہت واضح ہو۔ جس کی کوئی ٹانگ ٹوٹی ہو اور واضح نظر آئے۔ بیمار، جس کی بیماری بہت واضح ہو۔ ایسا لاغر جانور جس کی ہڈیوں سے گودا ختم ہو گیا ہو۔ [المستدرك على الصحيحين/كتاب الأضاحي/حدیث: 7717]