سیدنا اشعث بن قیس فرماتے ہیں: میرے ہاں بچہ پیدا ہوا، مجھے اس کی خوشخبری سنائی گئی، میں اس وقت نبی اکرم صلی اللہ علیہ وسلم کی خدمت میں موجود تھا، میں نے عرض کی: یا رسول اللہ صلی اللہ علیہ وسلم میں چاہتا ہوں (کہ خوشی کے اس موقع پر میں آپ کی خدمت میں) گوشت روٹی کا تھال بھر کر پیش کروں۔ حضور صلی اللہ علیہ وسلم نے فرمایا: تو نے یہ بات کہہ تو دی ہے لیکن یہ اولاد، کنجوسی، بزدلی، اور پریشانی کا باعث ہوتی ہے اور اولاد دلوں کا چین اور آنکھوں کی ٹھنڈک ہوتی ہے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب الذبائح/حدیث: 7788]