اسامہ بن اخدری رضی اللہ عنہ سے روایت ہے کہ بنو شقیرہ کا ایک شخص جسے ”اصرم“ کہا جاتا تھا، وہ ان لوگوں میں شامل تھا جو نبی کریم صلی اللہ علیہ وسلم کی خدمت میں حاضر ہوئے، وہ اپنے ساتھ ایک حبشی غلام لایا جو اس نے ان علاقوں سے خریدا تھا، اس نے عرض کیا: اے اللہ کے رسول صلی اللہ علیہ وسلم ! میں نے اسے خریدا ہے، میں چاہتا ہوں کہ آپ اس کا نام رکھیں اور اس کے لیے برکت کی دعا فرمائیں، آپ صلی اللہ علیہ وسلم نے پوچھا: ”تمہارا کیا نام ہے؟“ اس نے کہا: اصرم (کاٹنے والا)، آپ صلی اللہ علیہ وسلم نے فرمایا: ”تم ”زرعہ“ (کاشت کرنے والے) ہو، اب تم کیا چاہتے ہو؟“ اس نے عرض کیا: اس غلام کا نام رکھ دیجیے، آپ صلی اللہ علیہ وسلم نے فرمایا: ”یہ ”عاصم“ (بچانے والا) ہے“ اور آپ صلی اللہ علیہ وسلم نے اپنی مٹھی بند فرمائی۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب الأدب/حدیث: 7922]