سیدنا براء بن عازب رضی اللہ عنہ سے روایت ہے، انہوں نے کہا: میں اپنے گمشدہ اونٹوں کی تلاش میں تھا اور بستی کے گھروں کے پاس پھر رہا تھا کہ اچانک میرا سامنا سواروں کے ایک دستے سے ہوا، بستی کے لوگ میرے گھر کی طرف پناہ لینے لگے، تب ان سواروں نے میرے صحن کا گھیراؤ کیا اور وہاں سے ایک شخص کو نکالا، انہوں نے اس سے کوئی بات کی نہ کچھ پوچھا بلکہ (فوری طور پر) اس کی گردن اڑا دی، جب وہ چلے گئے تو میں نے اس کے بارے میں دریافت کیا، لوگوں نے بتایا کہ اس نے اپنے باپ کی منکوحہ (بیوہ یا مطلقہ) سے نکاح کر لیا تھا۔
یہ حدیث صحیح الاسناد ہے لیکن شیخین نے اسے روایت نہیں کیا، اور یزید بن براء کی حدیث اس کا شاہد ہے۔ [المستدرك على الصحيحين/كتاب الحدود/حدیث: 8254]